حلم رعب واتحقق ..قصة حققية

الجزء (٢) والأخير..
– لا يا محمد ،لا ارجوك أوعي تفتح
دا الي قالته دعاء وهي بتحكيلي باقي تفاصيل الحلم ، استغربت من طلبها وقولتها تستني اشوف مين على الباب وهرجع اسمع منها الباقي
ـ لا يا محمد اوعي تعمل كده ماهو دا الي حصل في الحلم.. انا هكملك
الحقيقة تجاهلت كلامها وشغلت السبيكر وسيبت الموبايل على الكرسي الي كنت قاعد عليه وقولت ابص من العين السحرية بتاعت الباب لقيت بواب العمارة هو الي واقف ، ضحكت ضحكة فيها سخرية على كلامها وهي بتقولي اوعي تفتح الباب ، بس مجرد ما فتحت الباب كانت هي بتكمل الحلم وقالت:
انا في الحلم شوفت بواب العمارة الي انت ساكن فيها هو الي واقف على الباب هيقولك ان الماتور بتاع الميه عطلان واحنا محتاجين فلوس عشان نصلحه ..
هنا كان الخوف الحقيقي بنسبالي كل الي اتحكالي كوم والي حصل دلوقتي كوم تاني ، لأن وهي بتقول الكلام دا كان بواب العمارة بيقول نفس الكلام في نفس اللحظة كأن الاتنين قدامي وبيقولوا نفس الجملة في نفس واحد.
بصيت للبواب وبلعت ريقي ومردتش عليه وسيبته ودخلت اجيب الفلوس الي طلبها ..
وهي في نفس اللحظة بتكمل الكلام :
مجرد ما دخلت جيبت الفلوس الي طلبها منك فيه اتنين هيدخلوا الشقة هو مش هيشوفهم ولا انت هتشوفهم ..
قالت الكلام وانا كنت بجيب الفلوس من الدرج ، مجرد ما سمعته حسيت ان جسمي اتكهرب واترعش رعشة غريبة ، عقلي كان سايح في المشهد الي بيحصل وحاسس اني في حلم.. وكملت كلامها.. هي بتحكي وفي نفس الوقت الاحداث بتحصل الي هي بتحكيها :
بعد ما انت اديتله الفلوس وقفلت الباب كانوا الاتنين دول بيمشوا وراك زي ضلك في كل حته ، شكلهم كان نفس الي ظهرلي في الشــ..ـــقة عندنا ، لونهم اسود كأنهم خيال ملهمش اي ملامح غير عيون صغيرة طالع منها نور خفيف وملهمش رجلين تحسهم طايرين من على الأرض .
الحقيقة انا من صد.مة الي بسمعه حسيت بدقات قلبي السريعة ونفسي بيتكتم لدرجة اني مش قادر اتكلم ، مش قادر اقولها اني فتحت الباب والي بتحكيه بيحصل دلوقتي.. حسيت اني لازم اشرب ميه لأن اعصابي كانت سايبة وحاسس اني هقع من طولي .. لسه المكالمه شغاله ولسه هي بتحكي:
وبعدين انت دخلت المطبخ مش عارفة تعمل ايه بس هما كانوا وراك ..
هي عمالة تتكلم وانا فاتح السبيكر بسمع والأحداث بتحصل ، هي فكراني ماسك التليفون بستمع لكلامها متعرفش ان حلمها بيتحقق زي ما قالت، انا فتحت التلاجة و فضلت واقف قدامها لدرجة اني نسيت انا بفتحها ليه من كتر التفكير .. كملت كلامها:
وبعدين فتحت التلاجة فضلت واقف قدامها شوية زي ما يكون بتتفرج عليها هما كانوا لسه ماشيين وراك ، فيه واحد منهم عدا من قلب جسمك اخترقوا زي الهوا انت جسمك قشعر كأنك بتتكهرب ..
اول ما قالت كده لقيت جســ..ـمي قشعر واترج زي الي مسك فيه الكهربا ..وكملت كلامها:
بعد ما عدا من جسمك وقف قدامك ، وغالباً انت شوفته بشكله الحقيقي لأن كان باين على تعابير وشك الخوف ، مجرد ما قالت كده كان صوت المكالمة اتقط.ع من ودني من الخوف والصد.مة والرعب عقلي كان مركز مع الي انا شايفه بس، لأني فعلا شوفت قدامي كائن طاير من على الارض شكله اسود سواد مخيف ليه عيون صغيرة طالع منها ضوء ،ملهوش اي ملامح تانية.. انا دلوقتي بعيش الأحداث بنفسي .
اول ما ظهر قدامي شهقت وطلع مني صوت غريب من الزعـ.ر الي انا فيه ، عشان الاقي بعدها جسمي بيقشعر للمرة التانية زي الي مسكت فيه الكهربا بمعني ان الكائن التاني الموجود اختــ..ـرق جسمي وفجأة ألاقي الاتنين واقفين قدامي بشكلهم الحقيقي..