حلم رعب واتحقق ..قصة حققية

شوفت واحد شبه بابا بالظبط بس بملامح مرعب.ة ،كان جاي بنفس الشنطة الي بابا كان مسافر بيها ،ماسكها وعمال يبصلي بنظرات مخيفة ، فضلت اصر.خ واصوت بطريقة هيسترية لفترة طويلة اوي وهو كل الي بيعمله انه واقف بيبصلي بنفس الطريقة لحد ما فقدت وعيي و وقعت على الأرض
بعدها بدأت افوق لوحدي ،بصيت حواليا لقيت الشقة مفيهاش اي حاجة فاضية و كأن حد شال العزال منها ، فضلت ابص حواليا وانا مستغربه من الي بيحصل والحاجة راحت فين ، قومت مشيت ناحية اوضتي الي كانت فاضية بردو مفيهاش اي حاجة ، فضلت واقفة شوية في وسط الأوضة وانا مش مستوعبة ايه الي بيحصل .. سمعت صوت ماما بتنده عليا من بره ، كانت بتنده كأنها بتستنجد بيا من حاجة ، اتخضيت وخرجت بسرعة..
لقتني انا … انا ماسكة ماما وعمالة اخن.ـق فيها وهي بتطلع ف الروح ، فضلت اصر.خ تاني كتير اوي وشايفه ماما بتطلع في الروح ،اتحركت من مكاني وحاولت انقذها بس قبل ما اوصل ليها لقيت كائن اسود شبه الخيال ملوش
اي ملامح غير عينين صغيرين في وشه وقف قدامي ، كنت بحاول اعدي منه بس كان عامل زي الحيطة رغم ان شكله بيوحي انه هو خيال
قاطعتها و قولتها :ثانية واحدة يا دعاء هو انتي بتقولي ان الحلم دا اتحقق؟.. السؤال دا سألته بعد ما شكيت انها بتهلوس او مش طبيعية ، اصل الي بتقوله دا مش منطقي
عشان تكمل كلامها :
ايوة يا محمد والله انا هثبتلك بس اسمع الباقي ، مبدأيا كل الي بحكيه دلوقتي هو الي حصل في الحلم وهو الي حصلي اول ما صحيت من النوم .. بعد ما حاولت اخترق الخيال دا ومقدرتش ..لقيته اختفي ولقيت ماما كمان اختفت وبقيت انا بس الي موجودة او اقصد الي شبهيي الي كانت بتخن.ق ماما ..وقفت قدامي وغمضت عينيها او ما غمضت النور بتاع الشقة طفا لوحده
بعد ثواني النور رجع تاني .. بس لقيت كل حاجة رجعت زي ما كانت عزال البيت كله بقي موجود في مكانه .. قومت مسكت موبايلي وانا عمالة واعيط وبعتلك على الواتساب و انت اتصلت بيا زي ما حصل دلوقتي بالظبط وفضلت احكيلك وانت بتحاول تهديني وتطمني لحد ما باب الشــ..ـقة عندك خبط ..
*اول ما قالت كده لقيت باب الشــ..ـقة بيخبط*
ـ طيب ثواني يا دعاء عشان الباب بيخبط خليكي معايا
ـ لا يا محمد ، لا ارجوك اوعي تفتح
يتبع..
#يحدث_ليلاً