حلم رعب واتحقق ..قصة حققية

دعاء خطيبتي اما بعتتلي الرسالة ديه كنت فاكرها بتبالغ كعادتها في الأمور ، بس ديه كانت اول مرة متديش الأمر اكبر من حجمه، لأن كلمة خايفة ديه كانت قليلة اوي على الي حصل .
قولت لنفسي حلم ايه دا الي اتحقق ..مجرد ما بعتت الرسالة انا اتصلت بيها لأني عارف انها عاطفية وبتعيط من ابسط الأمور فا قولت الحقها بقي..
اول ما ردت عليا كانت منهـ..ارة وفيه رعشة وخوف واضحة جداً في نبرة صوتها لدرجة انها مكانتش عارفة تتكلم ولا تجمع الكلام وانا مكانتش فاهم منها حاجة ، انا كلمتها كتير وهي بتعيط بس اول مرة اشوفها بتبكي وخايفة بالطريقة ديه ، في الوقت داه حسيت ان الموضوع فعلا مختلف عن كل مرة ..
بعد تقريباً اكتر من نص ساعه مناهدة وانا بحاول اطمنها و اهديها بدأت اخيراً نبرة صوتها تستريح الي حد ما على الأقل دلوقتي اقدر اسمعها وافهم منها حصل ايه..
وبدأت دعاء تحكي :
حلمت حلم بشـ..ـع انا اعصابي مت.دمرة ، الي حصل في الحلم شوفته في الحقيقة .. حلمت اني في الشقة لوحدي زي انهارده وبابا وماما مسافرين و هما فعلا مسافرين زي ما انت عارف ، كنت واقفة في المطبخ و سمعت صوت لخطوات بتقرب مني ببطئ زي ما يكون فيه حد معايا في الشقة ، سمعت انفاس صوتها عالي و صوت بيصدر من الي جاي ورايا دا اشبه بصوت حيوان بس مش قادرة احدد ايه هو الحيوان دا ، انت عارف اني بخاف جداً ،مجرد ما حسيت بوجود الشخص دا ورايا انا حصلتلي صد.مه لدرجة اني اتسمرت مكاني ، كنت متوقعة انه حرا.مي ومعاه سكين.ة و هيدبح.ني ، غمضت عيني وكتمت نفسي وقلبي كان بيدق بسرعة ومستنية اللحظة الي هيقـ..تلني فيها
بس شوية ولقيت جسمي بيتنفض وبيقشعر جامد اوي زي الي فيه كهربا ، فتحت عيني بعد ما كنت مغمضاها ولفيت رقبتي لورا ببطئ ،وشوفت ….
انه..ـارت تاني من البكا ومكانتش قادرة تكمل..
– شوفتي ايه يا دعاء اهدي فهميني حصل ايه
محاولات كتير لحد ما بدأت تكمل كلامها