حلم رعب واتحقق ..قصة حققية

حاولت اقرأ قرآن بس لساني كان مشلو.ل مش عارف دا من الخوف ولا هما الي مسيطرين عليا ، بدأت ارجع لورا بضهري بخطوات بطيئة وانا فاتح عيني على اخرها ومبرق ليهم ..برجع ببطئ خطوة بخطوة ، رجلي تقيلة اوي زي ما يكون فيه حاجة مسكاها وانا بقاوم عشان احركها .. لحد ما لقيت نفسي اتصدــ..ـمــ..ـت بحاجة صلبة مبقتش قادر اتحرك تاني..في اللحظة ديه كانوا اختفوا من قدام عيني
بصيت ورايا ولفيت رقبتي ببطئ عشان اشوف ايه الحاجة الصلبة الي ورايا لقيتهم هما الاتنين ..مجرد ما شوفتهم حطيت ايدي على وشي وصرخت صرخة كفيلة تسمع العالم كله ، بس غالبا دعاء مش مسمعاني لأنها لو سمعاني اكيد هتيجي تنقذني
لقيت خيال خرج من جسمي ، انسان شبهيي بالظبط كأنه نسخه تانية مني ، مسكني من رقبتي ورفعني لفووق ، ايديه كانت طويلة جدا لدرجة انه لزقني في السقف فضل يضغط عليا وانا عمال اكح، بتخ.نق و روحي بتطلع ، وقبل ما اطلع انفاسي الاخيرة كان فك سراحي .. عشان انزل بوشي اصطدم بالأرض ، حسيت بالد.م الدافي وهو مغرق وشي ولقيت حاجة مسكاني من رجلي وبتسحبني بمنتهي السرعة سحـ.ـلاني على الأرض بتلف بيا الشقة
في الوقت دا كنت بسمع اصوات غريبة بتتكلم حواليا كأن فيه ناس كتير في المكان مقدرتش اميز بيقولوا ايه لكن حاسس اني عاوز اقرأ قرآن ومش قادر ، مفيش صوت بيخرج مني حتي الوجع الي حاسس بيه وانا بتجر على الارض مش قادر اعبر عنه وحاسس بالد.م مغرق جســ..ـمي .. عيني بدأت تغمض واحدة واحدة وعقلي بيفقد وعيه ، الاحساس بالزمان والمكان بدأ يتلاشي وغالباً انا بودع الدنيا كلها.. وقبل ما عيني تقفل للمرة الأخير سمعت صوت دعاء في المكالمة.
– دا الي حصل يا محمد عشان كده بقولك اوعي تفتح الباب ارجوك
انا مش عارف الي بحكيه حلم ولا حقيقي ، مش عارف انا ميـ.ـت ولا حي ، بس الي اعرفه اني قدام وصلتلك حكايتي يبقي لسه فيا الروح و أكيد هيجي يوم و أكمل الي حصل
تمت.
و بس كده ، أتمني تكون عجبتكم ♥️
#يحدث_ليلاً