«فيديو» انغام باكيه عبر برنامج كلمة اخيرة لميس الحديدي
أنغام
وأردفت: “حتى لو مكنتش في المستشفى، مالي؟! أنا تحملت أربع سنين من التلميحات حتى منها شخصيًا، ومع ذلك ماردتش ولا مرة. كنت بزعل بيني وبين نفسي وكنت بعذرها كتير. لكن نوصل لمرحلة توجيه الناس ضدي؟! تطلعوني كأني بتآمر وأقود حملات ضد زميلة؟! ده ظىلم وحرام وعيب.”
وأكدت: “أنا لا أتهمها شخصيًا، لكن في ناس حواليها بيقولوا كده وبيوجهوا الناس لكده. أنا مش هقول إني أكبر من كده وهي كمان أكبر من كده، بس عيب اللي بيحصل. واللي بيحاولوا يقربوا منها بطريقة مغلوطة يقولوا لها تحبها وتشجعها براحتك، لكن مالهمش دعوة بيا.”
أنغام
وىحذرت أنغام: “أي شخص هيتمىادى وهيجيب سيريتي، مش هسكت. أنا فعلاً تعبت. ورفعت قىضية على شاب قبل كده كتب عني على تويتر وقال ‘مش هترحمي شيرين يا أنغام’ وكسبت القىضية اتحىبس. وأي حد هيتجرأ تاني ويزج بإسمي مش هسكت.”
ولم تتمالك أنغام نفسها خلال المداخلة وبكت قائلة: “كفاية ظلم، كفاية كره، كفاية حىقد. أنا تعبت. سبوني في حالي. محدش ليه دعوة بنيتي، ربنا اللي هيحاسبني. كفاية توجيه حملات ضدي.”
واختتمت: “لما إعلامي يطلع يدافع عن شيرين له كل الاحترام، لكن وإنت بتبص على شيرين، بص كمان على أنغام اللي مالهاش عىلاقة بالموضوع. كفاية مقارنة عقيمة ومؤدية. هي اسمها شيرين وأنا اسمي أنغام، ليها جمهورها وليا جمهوري. ربنا يكرمنا كلنا. متدعيش لي، لكن على الأقل بلاش تدعي عليّ وتظىلمني.”
ووجّهت أنغام رسالة مؤثرة لجمهورها قائلة: “أنا عايزة من الناس اللي بتحبني مايحطونيش في مقارنة مع حد. حبوني علشاني أنا، مش علشان أكون أحسن من حد. ماتقارنونيش بحد، ولا تقارنوا حد بيا حتى لو المقارنة في صالحي، أنا مش عايزاها. ده شيء مش مقبول ومش بيكبرني، ولو بتحبوني بجد، مش ده الأسلوب اللي تقدروا تكرموني بيه أو تدعموني بيه. لو سمحتوا، ماتحطونيش في مواقف تخلي الناس تعتقد إن أنا زقتكم تعملوا ده”.
